报料电话：13724054737
广告热线：13809208882
濑粉帖
好耐无发过帖，今次就将几个濑粉发埋一堆～～～
首先系南华东路既泉记濑粉，有D细个时候吃既味道……可惜猪油渣炸得唔够香，而且唔系我中意既冲菜，不过味道都唔错……a01
寻找乡间美食之深度，
发掘土风文化之神韵。 风土与佳肴同样需要鉴赏者的发掘。
老西关濑粉皇，这间野系之前陈家祠前面果间濑粉既分店，早上同小海嚟吃早餐。
吃完之后，同小海既意见一样——都系德政路推车仔卖既果个阿姨既濑粉好吃…… PS：这间既咸菜粒唔错既…… 濑粉……细碗既5蚊，粉唔会好软烂，但系又唔会爽，配料系猪油渣、叉烧粒、冬菇粒同细只虾米。成个野系比较偏甜既，而且无猪油渣既香味……
雨帽街濑粉：响人民公园厕所对面一个好细既巷口行入去就会见倒，系一个响自己屋企门口卖既小店，一张台都无，只有几张櫈，其他人都系买左之后，坐响櫈度捧住个碗就吃。基础版系猪油渣濑粉，然后仲有DX版（我起既名～～）既，DX版就系响基础版中添加更多既猪油渣、冬菇同埋虾米。这里既濑粉，可以吃得出米味，而且浓稠适中～～～
DX版濑粉……我地要左一碗细既，里面D猪油渣都唔少，冬菇系单独煮好然后再炒过既，本身既香味无咩点流失，而虾米系一D真系好细既虾米，味道比较甘～～濑粉既浓稠适中，粉比较可以吃得出米味，而且唔系好实～～～
无名小吃店：文兴大街45号，之前写过他店卖既甜品，这里早上系只卖濑粉既。粉煮得够透，软软中有少少既微爽，完全唔粘牙，濑粉里面好多猪油渣，吃落比较香，而且老板娘仲会不定时甘逐少甘加返D脆既猪油渣落去，吃落就更加香口了，这里濑粉搭配既系冲菜，吃落比萝卜仔爽口～～～
濑粉……浓稠调得几合适（就我自己既感觉嚟讲啊），这里既粉系有好微既爽既感觉，而且系完全唔会粘口；这里搭配既系冲菜粒，仲有芫茜粒同葱粒～～～
俾粒猪油渣你睇下～～～这里既濑粉都系猪油渣、冬菇同虾米为底既，如果你中意既话，可以叫店主俾多D猪油渣俾你～～～
唔知边种系正宗啊……
我想知道文兴大街在哪里。谢谢！
:【kaito1016(kaito1016) 提到】:
:无名小吃店：文兴大街45号，之前写过他店卖既甜品，这里早上系只卖濑粉既。粉煮得够透，软软中有少少既微爽，完全唔粘牙，濑粉里面好多猪油渣，吃落比较香，而且老板娘仲会不定时甘逐少甘加返D脆既猪油渣落去，吃落就更加香口了，这里濑粉搭配既系冲菜，吃落比萝卜仔爽口～～～ :濑粉……浓稠调得几合适（就我自己既感觉嚟讲啊），这里既粉系有好微既爽既感觉，而且系完全唔会粘口；这里搭配既系冲菜粒，仲有芫茜粒同葱粒～～～ |
手机看论坛
